ജെ.എൻ.യു. വിൽ നിന്ന് 2005ൽ ചരിത്രപഠനത്തിൽ ഡോക്റ്ററേറ്റ്. സിവി.രാമൻ പിള്ളയുടെ ചരിത്രനോവലുകളെ ആധാരമാക്കി, കേരളത്തിലെ അധികാര- സ്വത്വ-കഥനങ്ങളെ സംബന്ധിച്ച അന്വേഷണമായിരുന്നു ഗവേഷണ വിഷയം. തൃശ്ശൂർ, ശ്രീകേരള വർമ്മ കോളേജിലെ ചരിത്രവിഭാഗം മേധാവിയായിരിയ്ക്കേ 2011 ൽ വിരമിച്ചു.സാഹിത്യ നിരൂപണം, സംസ്ക്കാര പഠനം, ബൗദ്ധിക ചരിത്രം, തത്വചിന്ത, എന്നീ മേഖലകളുമായി ബന്ധപ്പെട്ട് നിരവധി പ്രബന്ധങ്ങളും ലേഖനങ്ങളും ഇംഗ്ലീഷിലും മലയാളത്തിലും രചിച്ചിട്ടുണ്ട്. 2025 ജുലൈയിൽ പ്രസിദ്ധീകരിച്ച “ഗുരുനേരങ്ങൾ” എന്ന ഗ്രന്ഥം (ഫ്രീലാൻസ് ബുക്ക്സ്, തൃശ്ശൂർ) കേരളീയ നവോത്ഥാനത്തെയും നാരായണഗുരുവിന്റെ കവിതകളെയും ദർശനത്തെയും നവീനമായ ഒരു അതി-ചരിത്ര പരിപ്രേക്ഷ്യത്തിലൂടെ പുനർവിചിന്തനം ചെയ്യുന്നു.